Tut i nižej fota: news.cn
Kitajskija inžyniery pačali ŭ pravincyi Hujčžoŭ mantaž radyjoteleskopa FAST, paviedamlaje «Sińchua». Raboty byli raspačatyja jašče ŭ 2011 hodzie. Kali budaŭnictva zavieršycca ŭ 2016 hodzie, FAST stanie najvialikšym radyjoteleskopam śvietu.
Apiertura teleskopa składzie 500 mietraŭ, jon budzie składacca z 4450 trochvuholnych ruchomych panelej z hrańniu ŭ 11 mietraŭ. Kab abyści jaho pa pierymietry, spatrebicca 40 chvilin.
Jon budujecca miž tryma harami. Hihanckaja «talerka» budzie padviešanaja nad ziamloj na tysiačy apornych słupoŭ. Jon zojmie płošču ŭ 30 futbolnych paloŭ — amal stolki ž, kolki zajmaje park Horkaha ŭ Minsku. Prajekt aceńvajecca ŭ 100 młn dalaraŭ.
Jaho bližejšy sabrat — absiervatoryja Aresiba, 300-mietrovy radyjoteleskop u Puerta-Ryka. Jon, siarod inšaha, dapamoh paćvierdzić isnavańnie niejtronnych zorak, znajšoŭ pieršy dvajny pulsar, a taksama pulsar, što krucicca z chutkaściu 642 abaroty na siekundu, daŭ šturšok da znachodžańnia pieršych ekzapłaniet dy prasłuchoŭvaje kosmas na pradmiet sihnałaŭ ad inšych cyvilizacyj u miežach prajektu SETI.
Kitajski teleskop nie tolki hihancki, ale i zvyščujny. Jaho paneli možna pavaročvać z dakładnaściu ŭ milimietr. Ad jaho možna čakać navat bolš cikavych adkryćciaŭ, čym ad Aresiba i inšych sučasnych radyjoteleskopaŭ.