Handbalisty biełaruskaj maładziožnaj (U-21) atrymali treciuju viktoryju na čempijanacie śvietu ŭ Brazilii i zabiaśpiečyli vychad u płej-of.
U matčy 4-ha tura papiaredniaj hrupy A padapiečnyja Aleha Šarejki razhramili adnahodkaŭ z Rasii ź likam 41:28 (18:13).
Samym vynikovym u składzie biełaruskaj družyny staŭ Artur Karvacki, jaki zakinuŭ 7 miačoŭ. Pa 5 razoŭ vyznačylisia Zachar Husakoŭ, Hleb Harbuz i Vadzim Hajdučenka.
Da hetaha biełarusy pierajhrali kamandy Niderłandaŭ (37:25) i Tunisa (31:23), sastupili lidaru hrupy A — zbornaj Šviecyi (23:38). U zaklučnym pajadynku pieršaha etapu biełaruskija handbalisty 26 lipienia sustrenucca z aŭtsajdaram — kamandaj Parahvaja, jakaja da hetaha prajhrała 4 sustrečy.
Stanovišča kamand pierad zaklučnym turam: Šviecyja — 8 ačkoŭ, Biełaruś — 6, Rasija — 4, Tunis — 4, Niderłandy — 2, Parahvaj — 0.
Niezaležna ad vynikaŭ matčaŭ 5-ha tura zbornaja Biełarusi zabiaśpiečyła sabie druhoje vynikovaje miesca i ŭ 1/8 finału sustreniecca z kamandaj, jakaja finišuje treciaj u hrupie V. Tam zhulana 3 tury i stanovišča takoje: Ispanija — 4 ački, Katar — 4, Rumynija — 4, Sierbija — 3, Partuhalija - —3, Anhoła — 0.
Pa vynikach papiaredniaha raŭnda baraćbu za ŭznaharody suśvietnaha pieršynstva praciahnuć pa 4 najlepšyja kamandy z kožnaj hrupy. Matčy 1/8 finału adbuducca 28 lipienia, čverćfinały — 29 lipienia, paŭfinały projduć 31 lipienia, miedalnyja pajadynki za zołata i bronzu adbuducca 1 žniŭnia.
