Papraŭki ŭ zakanadaŭstva taksama praduhledžvajuć turemnaje źniavoleńnie za publičnaje apraŭdańnie teraryzmu, dazvalajuć zatrymlivać padazravanych na termin da 15 dzion biez sankcyi sudu i dostupu advakata i palahčajuć śpiecsłužbam prasłuchoŭvańnie telefonnych razmoŭ.
Nasupierak pratestam pravaabaroncaŭ, jakija ŭkazvali, što paniaćcie «teraryzm» prapisana ŭ novym zakonie niedastatkova vyrazna, tuniski parłamient paśla troch dzion debataŭ uchvaliŭ papraŭki pieravažnaj bolšaściu.
Na dumku śpikiera Machamieda Enasiera, jany ŭzmocniać upeŭnienaść hramadzian u svajoj biaśpiecy.
26 červienia ŭzbrojeny złačynca adkryŭ ahoń pa adpačyvalnikach na plažy ŭ kurortnym horadzie Sus, zabiŭšy 38 čałaviek.
18 sakavika 21 turyst staŭ achviaraj ataki na muziej Bardo ŭ stalicy krainy.
Vina za abodva napady ŭskładajecca na bajevikoŭ «Isłamskaj dziaržavy».