U cieniu Polščy i Rasiei
U cieniu Polščy i Rasiei. Vialikaje Kniastva Litoŭskaje i Švecyja ŭ časie eŭrapiejskaha kryzisu siaredziny XVII st. / Andrej Katlarčuk; pierakład z anhielskaj movy Volhi Kałackaj. — 2-je vyd. — Smalensk: Inbiełkult, 2015. — 305 s.
U manahrafii znajšli adlustravańnie sproby Vialikaha Kniastva Litoŭskaha zaklučyć dziaržaŭnuju uniju sa Šviecyjaj padčas vajny Rečy Paspalitaj z Maskoŭskaj dziaržavaj 1654—1667 hh. Asobnyja častki manahrafii pryśviečanyja ŭkrainska-šviedskim i ŭkrainska-rasijskim dačynieńniam.
Poŭny źmiest vydańnia dastupny TUT.
Palitałohija
Palitalohija = Politikwissenschaft: Paniaćci. Analizy. Teoryi: Asnoŭny kurs / H. Miunkler, I. Fečer, V.-D. Nar i inš.; Pierakład ź niamieckaj movy: V.Bułhakaŭ i inš. — Vyd. 2-je. — Smalensk: Inbiełkult, 2015. — 677 s.
Pierakład zrobleny pavodle vydańnia: Politikwissenschaft: Begriffe — Analysen — Theorien; ein Grundkurs / Hrsg. Iring Fetscher; Herfried Münkler. — Reinbek bei Hamburg: Rowohlt-Taschenbuch Verlag, 1990. — 670 S.
Čytaču prapanujecca pierakład ź niamieckaj movy na biełaruskuju fundamientalnaha padručnika palitałohii, napisanaha najlepšymi niamieckimi navukoŭcami ŭ hetaj halinie — prafiesarami palitałohii ŭniviersitetaŭ Frankfurta-na-Majnie, Bierlina, Miunstera, Hiesena i h. d. Na asnovie bahataha empiryčnaha materyjału dajecca mietadalahična strohi vykład asnoŭnych tematyčnych kirunkaŭ i prablemnych absiahaŭ sučasnaj navuki ab palitycy. Šmat uvahi aŭtary vydańnia nadajuć niamieckaj palityčnaj historyi XIX i XX st., nie abminajučy pry hetym jaje «vostrych vuhłoŭ» — pruskaha militaryzmu, nacyzmu 20—40-ch hh. XX st. Aprača hetaha, u knizie detalova apisvajucca etapy stanaŭleńnia palitałohii ŭ sistemie humanitarnych navuk na Zachadzie i vyśviatlajucca jaje intelektualnyja inśpiracyi, razhladajucca asnoŭnyja škoły, jakija skłalisia ŭ hetaj dyscyplinie, analizujucca navukovyja debaty pamiž zachodnimi palitołahami ŭ druhoj pałovie XX st., a taksama zakranajucca pytańni z sumiežnych z palitałohijaj dyscyplinaŭ — ekanamičnaj teoryi, sacyjałohii, historyi i h. d.
Poŭny źmiest vydańnia dastupny TUT.
Paŭstańnie Chmialnickaha i vajennyja dziejańni ŭ Litvie
Paŭstańnie Chmialnickaha: Vajennyja dziejańni ŭ Litvie ŭ 1648—1649 h. / Vitald Biarnacki; pierakład z polskaj movy Antona Kuźmiča. — 2-je vyd. — Smalensk: Inbiełkult, 2015. — 183 s.
Kniha pryśviečanaja padziejam na litoŭskim teatry vajennych dziejańniaŭ naprykancy leta i ŭvosień 1648 h. i ŭzimku 1649 h., a taksama letniaj kampanii kniazia Januša Radziviła, što skončyłasia jahonaj bliskučaj pieramohaj nad konnaj kazackaj armijaj pad Łojevam 30 lipienia 1649 h.
Kampanija 1660 u Litvie
Kampanija 1660 hodu ŭ Litvie / Kšyštaf Kasažecki; pierakład z polskaj movy Antona Kuźmiča. — 2-je vyd. — Smalensk: Inbiełkult, 2015. — 330 s.
U knizie apisvajucca vajennyja dziejańni pamiž Rečču Paspalitaj i Rasijaj u 1658—1660 hh. Jana achoplivaje najezd kniazia Ivana Chavanskaha, jaho dziejańni na Navahradčynie, a potym nastup litoŭskich i polskich vojskaŭ, jaki dazvoliŭ prahnać maskoŭskija vojski za Dźvinu i Dniapro. U jaho ramkach znachodziacca apisańni bitvaŭ pad Pałonkaj, na Basi, pad Tałačynom i Druckam.
Jak zamović vydańni – čytajcie na sajcie časopisa Arche.
