Fota belultras.by
Kryminalnaj spravaj skončyłasia dla fanataŭ žodzinskaha kłuba «Tarpieda-BiełAZ» pajezdka na matč u Oršu.
19 lipienia tam prachodziŭ matč 1/16 Kubka Biełarusi pamiž miascovym futbolnym kłubam i žodzinskim «Tarpieda». Fanaty pryjechali ŭ Oršu z Žodzina na aŭtamabilach. Niezadoŭha da 15-j hadziny jany pabačyli dvuch fanataŭ FK «Orša», jakija išli na stadyjon i nieśli z saboj vialiki baraban.
Žodzincy źbili haspadaroŭ horada, zabrali baraban, a taksama z zaplečnika fanata dastali šalik koleraŭ kłuba, majku z łahatypami, 110 tysiač rubloŭ.
Jak piša barysaŭski sajt ex-press.by, fanataŭ vyličyli pa tym, što adzin ź ich aŭtamabilaŭ prabiŭ radyjatar i ź jaho ciakła vadkaść. Aršanski rajadździeł Śledčaha kamiteta pačaŭ kryminalnuju spravu za rabavańnie.
U Žodzinie na nastupny dzień zatrymali, pryvieźli ŭ Oršu i ŭziali pad vartu bolš za 20 fanataŭ. 24 lipienia da suda ŭsich zatrymanych vypuścili na volu.
Paciarpiełyja nie vykazali pretenzij, tamu spravu pierakvalifikavali z artykuła «Rabavańnie» ŭ artykuł «Złosnaje chulihanstva».
Tym nie mienš pravaachoŭniki praciahvajuć šukać jašče dvuch fanataŭ «Tarpieda» — 20- i 22-hadovaha.
Paviedamlajecca, što milicyja ich vyličyła, ale zatrymać pakul nie zmahła.