Fota: Hennig Olsen
Narviežski vyrabnik maroziva Hennig Olsen pradstaviŭ rekordna vialiki pačastunak. Trochmietrovy konus dastaŭlali hledačam na viertalocie, raspaviadaje NRK.
Vyšynia maroziva skłała aficyjna rekordnyja 3 mietry 8 santymietraŭ. Jano ŭtrymlivała 1080 litraŭ ŭłasna vanilnaha maroziva, 40 litraŭ bruśničnaha džemu i 60 litraŭ šakaładu, a adzin tolki biskvitny konus važyŭ 75 kh.
Na jaho vyrab spatrebiłasia čatyry miesiacy.
Viertalot z marozivam sustrakali kala 9 tysiač hledačoŭ. Paśla rehistracyi rekordu jany atrymali pa kavałku maroziva. Papiaredniaje rekordna vialikaje maroziva, zhatavanaje ŭ 2011 hodzie, mieła vyšyniu 2,81 mietry.
Ci stała maroziva najciažejšym u śviecie, nieviadoma. U 2014 hodzie ŭ štacie Viskonsin (ZŠA) było pradstaŭlenaje «čystaje» (biez konusa, džemu ci šakaładu) maroziva vahoj 1365 kh. Narviežskaje maroziva ŭ zaležnaści ad receptu i kryteraŭ uzvažvańnia (tolki ŭłasna maroziva ci dadatki taksama) moža być lahčejšym ci ciažejšym.
