Žycharka Žłobina padazrajecca ŭ sprobie vyvazu ŭ Iardaniju čatyroch žycharak Homielskaj vobłaści dla pracoŭnaj ekspłuatacyi. Pra heta paviedamili ŭ Ministerstvie ŭnutranych spraŭ Biełarusi.
Žančynu zatrymali 17 lipienia. Pavodle dadzienych apieratyŭnikaŭ, dziaŭčat jana zavierbavała praź internet. U Iardanii biełaruskam treba było zajmacca kansumacyjaj ŭ načnych kłubach, to bok padachvočvać klijentaŭ kuplać ježu, napoi i inšyja pasłuhi.
Za pracu kožnaj dziaŭčyny žycharcy Žłobina byŭ abiacany hanarar u pamiery $300 štomiesiac. U dačynieńni da žančyny składzieny administracyjny pratakoł pa st.12.7 KaAP, jakaja praduhledžvaje pakarańnie ŭ vyhladzie štrafu ad 50 da 200 bazavych vieličyń.
0
0
0
0
0
0
