Niedziaržaŭnaja daśledčaja arhanizacyja Pew Research Center apublikavała analiz suśvietnaha apytańnia ab hałoŭnych pahrozach, padrabiazna apytańnie apisanaje tut.
Kali Zachodniaja Jeŭropa, Paŭnočnaja Amieryka, Japonija i Aŭstralija bajacca bajevikoŭ «Isłamskaj Dziaržavy», Paŭdniovaja Amieryka, Mieksika, Kitaj, Indyja i inšyja bolš strašacca źmieny klimatu. Polšča i Ukraina ličać hałoŭnajej pahrozaj Rasiju, a Rasija — ekanamičnuju niestabilnaść.
Lidary pa strachu źmieny klimatu — Burkina-Faso, Brazilija i Pieru, pa bojazi ekanamičnaj niestabilnaści — Hana, Ispanija i Uhanda. IDIŁ najbolš bajacca ŭ Livanie, Ispanii i Paŭnočnaj Karei.
Taksama siarod prapanavanych u apytańni pahroz byli terytaryjalnyja sprečki z Kitajem (ich bajacca Vjetnam, Filipiny i Japonija), kibierataki (jany nie ŭ lidarach strachaŭ, ale najbolš ich bajacca ZŠA i Paŭdniovaja Kareja), iranskaja jadziernaja prahrama (hałoŭny strach izrailcian, surjozny strach u ZŠA i Ispanii).
Adnačasova i źmiena klimatu, i ekanamičnaja niestabilnaść jość hałoŭnymi strachami ŭ Vieniesuele i Małajzii.
Respandentam prapanoŭvałasia abrać adrazu niekalki adkazaŭ, kitajcaŭ pra strach Kitaja i rasiejcaŭ pra strach Rasii nie pytali. Siarod varyjantaŭ byŭ taksama strach bankaŭ i karparacyj, ale jon, miarkujučy pa ŭsim, nie trapiŭ u top strachaŭ.
Varta adznačyć, što napružanaść u suviazi ź iranskaj jadziernaj prahramaj maje spaści: niadaŭna Iran zhadziŭsia na abmiežavańni prahramy ŭ abmien na skasavańnie sankcyj.
Apytańnie pravodziłasia nie va ŭsich krainach śvietu: strachi Biełarusi i našych prybałtyjskich susiedziaŭ, paŭdniovych jeŭrapiejcaŭ i bolšaści afrykancaŭ nie vyznačanyja. A čaho najbolš baiciesia vy?
