Astranaŭt Tery Viorts, jaki ź listapada minułaha hoda znachodzicca na MKS, pakazaŭ, što budzie ŭ biazvažkaści z šypučaj tabletkaj pry jaje kantakcie z šarykam vady.
Vada, što ŭ biazvažkaści źbirajecca ŭ šaryk, chutka schoplivaje tabletku, usiaredzinie šaryka pačynajecca zvykłaja «šypučaja» reakcyja, što nie vychodzić za miežy šaryka. Tolki zredku šaryk «stralaje» čaścinkami tabletki.
Videa źniataje ŭ farmacie 4K na prafiesijnuju kamieru RED Epic Dragon, jakoj zdymalisia halivudskija błakbastary kštałtu «Chobita».
Raniej Viorts atrymaŭ u sacsietkach «niekasmanaŭtskuju» słavu: jon z arbity raźvitaŭsia z akcioram Leanardam Nimojem.
«Školnymi» ekśpierymientami ŭ kosmasie najbolš prasłaviŭsia kanadski astranaŭt Krys Chedfiłd — ekśpierymienty jon publikavaŭ na svaim kanale Youtube. Naprykład, jon pakazvaŭ, jak u kosmasie prychodzicca jeści desiert, halicca ci płakać. Taksama Chedfiłd vydatna śpiavaŭ i staŭ ziamlaninam, chto zapisaŭ u kosmasie muzyčny albom.
