Fota: Taras Tarnalicki via Facebook.
«Biełaruski hierb u pres-rumie Doma Presy natchniaje na nacyjanalistyčny ład. Zadźmuli viatry terytaryjalnaha revizijanizmu!» — piša redaktar haziety «Biełarusy i rynak» Taras Tarnalicki na Facebook.
Na fota sučasny dziaržaŭny hierb Biełarusi, dy ź niezvyčajnaj detallu: zamiest sučasnych miežaŭ abrysy nahadvajuć miežy Biełaruskaj Narodnaj Respubliki, dekłaravanyja ŭ 1918 hodzie.
Mapa BNR, pradstaŭlenaja Nadzvyčajnaj Misijaj BNR na Paryžskaj mirnaj kanfierencyi ŭ 1919-1920 hh. Fota z sajta hbnr.org
Źleva: miežy z hierba na fota Tarnalickaha, naŭprost nakładzienyja na mapu BNR. Sprava: karekciroŭka pierśpiektyvy miežaŭ z fota Tarnalickaha da supadzieńnia ź miežami BNR.
Sučasnyja miežy Biełarusi, nakładzienyja na mapu BNR.
Nahadajem, što Biełaruskaja Narodnaja Respublika była abvieščanaja ŭ 1918 hodzie na terytoryi, «dzie žyvie i maje ličbiennuju pieravahu biełaruski narod, a łaśnie: Mahiloŭščynu, biełaruskija čaści Mienščyny, Hrodnienščyny (z Hrodniaj, Biełastokam i inš.), Vilenščyny, Viciebščyny, Smalenščyny, Čarnihaŭščyny i sumiežnych čaściaŭ susiednich hubierniaŭ, zasielenych biełarusami».
Dzień pryniaćcia 3-j ustaŭnoj hramaty BNR, 25 sakavika, siońnia nieaficyjna adznačajecca jak Dzień Voli. U 1919 hodzie terytoryju BNR zaniała Čyrvonaja armija, paźniej na jaje častcy była ŭtvoranaja BSSR, Rada BNR pačała dziejnaść u emihracyi, na siońnia jość samym starym u śviecie ŭradam u vyhnańni.
Hladzicie taksama: Hierb Biełarusi ŭ vyhladzie Biermudskaha trochkutnika