Staršynia Biełteleradyjokampanii Hienadź Davydźka pryśviaciŭ bolšuju častku prahramy «Kłub redaktaraŭ» raznastajnym mižnarodnym rejtynham, u jakich Biełaruś zajmaje nizkija pazicyi.
Naprykład, u rejtynhu mirnaha i spakojnaha žyćcia kraina stała 110-je sa 162.
Davydźka ŭbačyŭ hetuju navinu na partale Tut.by i ŭpeŭnieny, što publikacyja takich rejtynhaŭ — spłanavanaja akcyja.
«Čym bolš niehatyŭnych rejtynhaŭ, tym bolš ludzi pačynajuć sumniavacca ŭ svaich siłach. Heta i jość metanakiravanaja praca pa vybivańni asnoŭ dziaržaŭnaści i sacyjalnych asnoŭ. Vy pahladzicie, jak masiravana heta adbyvajecca. Heta ž nie prosta tak. Nie treba być naiŭnym čałaviekam, kali pierad vybarami robiacca takija ŭkidy», — zajaviŭ i dyrektar Instytuta dziaržaŭnaj słužby Akademii kiravańnia.
Na zaŭvahu redaktara «Ekanamičnaj haziety» Leanida Frydkina, što hetyja rejtynhi štohadovyja i nie majuć nijakaj suviazi z vybarami, niervova adreahavaŭ Hienadź Davydźka.
«Haspadary partała Tut.by vydatna razumieli, navošta jany raźmiaščali takoje: hladzicie, jakija my dreńnieńkija, jakija my słabieńkija. Mahčyma, niešta tut pa prykole. Ale ŭ cełym heta spłanavanaja akcyja», — pierakanany staršynia Biełteleradyjokampanii.
