Balnicu ŭ Muramie Uładzimirskaj vobłaści abaviazali vypłacić 375.000 rasijskich rubloŭ (kala 6 tys. dalaraŭ) za niapravilny dyjahnaz, pastaŭleny miascovaj žycharcy, jaki staŭ padstavaj dla apieracyi pa vydaleńni małočnaj załozy.
U śniežni 2013 hoda žančyna źviarnułasia da ankołaha sa skarhami na puchliny ŭ levaj małočnaj załozie, była praviedziena apieracyja pa jaje vydaleńni.
Paśla lačeńnia žančynie stała horš, i jana źviarnułasia ŭ abłasnuju ankałahičnuju kliniku. U vyniku daśledavańniaŭ vyśvietliłasia, što nijakich złajakasnych utvareńniaŭ ŭ pacyjentki nie było, i rak dyjahnastavali pamyłkova.
«Sud abaviazaŭ Muramskuju haradskuju balnicu №1 vypłacić kampiensacyju maralnaj škody ŭ pamiery 250 tys. ras. rubloŭ, a taksama aštrafavaŭ ŭstanovu na 125 tys. ras. rubloŭ», — havorycca ŭ paviedamleńni prakuratury, jakaja sama padała pazoŭ suprać lačebnaj ustanovy.
