«Karta navučenca» — sumiesny prajekt «Biełarusbanka», Minharvykankama, Nacyjanalnaj akademii navuk i apłatnaj sistemy «Biełkart». Siońnia ŭ stalicy 12 ustanoŭ ahulnaj siaredniaj adukacyi pracujuć pa hetym prajekcie, udakładniła namieśnik staršyni praŭleńnia AAT «AAB Biełarusbank» Taćciana Michajłoŭskaja. Bank emitavaŭ zvyš za 9,5 tysiač płaciežnych kart i vydaŭ ich biaspłatna ŭdzielnikam prajekta.
«Karta navučenca» — bieskantaktavy paŭnavartasny płaciežny srodak, z dapamohaj jakoha dzicia moža raźličvacca za školnaje charčavańnie.
«Z 1 vieraśnia ŭ 12 škołach, dzie ŭkaraniony piłotny prajekt «Karta navučenca», sumiesna z kamitetam pa adukacyi i kambinatami školnaha charčavańnia my zapuskajem bieznajaŭnuju apłatu za charčavańnie», — adznačyła T. Michajłoŭskaja.
«Karta navučenca» — heta taksama biaśpieka dziciaci ŭ škole, dostup da adukacyjnych i sacyjalnych elektronnych servisaŭ. Jana dazvalaje baćkam adsočvać, kali dzicia pryjšło u škołu i pakinuła jaje.
Praviedzienaje bankam apytańnie pakazała, što baćki i dzieci zacikaŭlenyja ŭ hetym prajekcie i aceńvajuć jaho stanoŭča.
Taćciana Michajłoŭskaja paprasiła kiraŭnictva Minharvykankama paskoryć ŭstanoŭku prapusknoj sistemy ŭ škołach z metaj vykarystańnia ŭsich mahčymaściaŭ «Karty navučenca».
«Nacyjanalnaja akademija navuk i «Biełarusbank» zaviaršyli technałahičnuju hatoŭnaść zapisu na «Kartu navučenca» transpartnaj prahramy dla jaje vykarystańnia va ŭliku elektronnaj sistemy apłaty prajezdu ŭ Minsku», — dadała T. Michajłoŭskaja.
Takim čynam, karta dapamoža adsačyć patoki dziaciej i zrazumieć, ci pravilna vydatkoŭvajecca z haradskoha biudžetu biaspłatny prajezd školnikaŭ.
Da 1 studzienia 2016 hoda płanujecca adaptavać da vykarystańnia «Karty navučenca» tyja škoły, jakija siońnia abstalavanyja prapusknoj sistemaj. A na praciahu nastupnaha hoda miarkujecca ŭkaranić prajekt va ŭsich staličnych škołach.
