Daradca staršyni Słužby biaśpieki Ukrainy Juryj Tandzit śćviardžaje, što pradstaŭniki Rasii prapanoŭvali abmianiać Nadzieju Saŭčanka na puciepravod ŭ Krym. Pra heta jon zajaviŭ u efiry «Hromadśkoho».
Pavodle jaho, na ŭkrainskich pieramoŭščykaŭ vychodzili «nie tolki aficyjnyja, ale i nieaficyjnyja asoby (z rasijskaha boku), u tym liku i tyja, što majuć dačynieńnie da roznych hramadskich arhanizacyj, i ludzi, jakija pradstaŭlalisia, jak vielmi blizkija da koła prezidenta Rasii».
«Adzin ź ich sapraŭdy vioŭ razmovu z nami i prapanoŭvaŭ u miežach svaich paŭnamoctvaŭ razhladać pytańnie vyzvaleńnia Nadziei Saŭčanka pa pryncypie: «My vam Nadzieju Saŭčanka, a vy nam dajcie prabić puciepravod ad Rastova ŭ Krym», — zajaviŭ Tandzit.
Jak viadoma, ukrainskaja deputatka Nadzieja Saŭčanka była zachoplena ŭ pałon na Danbasie i vyvieziena ŭ Rasiju, dzie jaje ciapier sudziać za «zabojstva» rasijskich žurnalistaŭ i niezakonnaje pierasiačeńnie miažy.
