Na vystavie Gamescom u Hiermanii była anansavanaja treciaja častka sieryi videahulniaŭ Mafia, pieradaje IGN.
Hulnia adydzie ad «ramantyčnaha» vobrazu hanhstaraŭ — z časoŭ Vialikaj depresii pieršaj «Mafii» hulnia pieramieścicca ŭ 1968 hod.
Jaje raspracuje Hangar 13, novaja studyja vydaŭca 2K Games. Chutčej za ŭsio, «Mafija-3» stanie pieršaj hulnioj kampanii.
Hałoŭny hieroj novaj hulni, čarnaskury chłopiec Linkaln Kłej, sirata i achviara štodzionnaha rasizmu, viartajecca z vjetnamskaj vajny i nie moža znajści svajo miesca ŭ žyćci. Ad ruk italjanskaj mafii hinie jaho «hanhstarskaja siamja», sam jon atrymlivaje kulu ŭ hałavu, ale vyžyvaje. Jon źbiraje novuju bandu i advajoŭvaje horad razam ź lidarami haicianskaj i irłandskaj mafii dy italjancam Vita Skaleta, hierojem «Mafii-2». Kožny ź jaho «lejtenantaŭ» nadaje hałoŭnamu hieroju śpiecyjalnyja zdolnaści i bonusy, ale mohuć i zdradzić, kali dziejańni hieroja ich nie zadavolać.
Pieršy trejler nie daje infarmacyi pra sam praces hulni, ale žanr «stralałki z mašynami» chutčej za ŭsio zachavajecca i ŭ «Mafii-3». Hulnia maje vyjści ŭ 2016 hodzie (dakładnyja daty nie nazyvajucca) na piersanalnych kampjutarach, Playstation 4 i Xbox One.
***
Pieršaja hulnia sieryi, Mafia: The City of Lost Heaven, była raspracavanaja češskaj studyjaj Illusion Softworks i vyjšła ŭ 2002 hodzie. Jana nabyła vysokuju papularnaść praz kiniematahrafičnuju padaču siužetu i niačasty ŭ videahulniach suśviet hanhstarskaj Amieryki 1930-ch, nazyvałasia hałoŭnym kankurentam sieryi Grand Theft Auto, ad jakoj uziała ŭzor hiejmpłeju. «Mafija-2» pieramiaściłasia ŭ 40-ja. Druhaja častka sieryi, raspracavanaja taksama čechami, mieła značna mienšuju papularnaść i siarednija adznaki krytykaŭ dy hulcoŭ.
