Prakuratura Savieckaha rajona Minska raspačała spravu za machlarstva ŭ asabliva bujnym pamiery na padstavie č. 4 art. 209 Kryminalnaha kodeksa ŭ dačynieńni da žycharki stalicy 1958 hoda naradžeńnia.
Jak paviedamiŭ staršy pamočnik prakurora Minska Siarhiej Bałašaŭ, dyrektarka adnoj sa staličnych kaviarniaŭ prasiła svaich padnačalenych za peŭnyja bonusy brać dla jaje kredyty, jakija abiacała pahašać. Hrošy nibyta byli patrebnyja na raźvićcio biźniesu i lačeńnie svajakoŭ.
Pa spravie prachodziać vosiem paciarpiełych. Złačynnaja dziejnaść dyrektarki kaviarni datujecca lipieniem 2013-ha — lipieniem 2014 hoda. Za hety čas jana padmanam zavałodała 1,52 młrd. rubloŭ.
Dla papiaredniaha rasśledavańnia materyjały kryminalnaj spravy nakiravanyja ŭ Saviecki rajonny adździeł Śledčaha kamiteta.
