Niekalki kryminalnych spraŭ za kradziažy raspačatyja Minskim rajonnym adździełam Śledčaha kamiteta ŭ dačynieńni da dvuch žycharoŭ rajona.
Jak paviedamlaje Minskaje RUUS, u vioscy Laskoŭka na praciahu apošnich troch miesiacaŭ rehistravalisia kradziažy z damoŭ i katedžaŭ, što budujucca, dačnych učastkaŭ. Udałosia vyjavić, što ŭčyniŭ ich 26-hadovy raniej sudzimy žychar pasiołka Vopytny, inšym razam z dapamohaj 35-hadovaha miascovaha žychara. Chaŭruśniki ŭładkoŭvalisia roznarabočymi na budaŭničyja abjekty i pryhladalisia da ich. Nočču pranikali ŭ pabudovy, uskryvajučy vokny i ŭzłomlivajučy ŭvachodnyja dźviery. Zabirali ŭsio samaje kaštoŭnaje — elektrainstrumienty i budaŭničyja materyjały. Vyvozili kradzienaje na viełasipiedzie i chavali ŭ lesie. Zatym u roźnicu i optam zbyvali ŭ susiednich vioskach. Papiarednie ŭron pa šaści vyjaŭlenych epizodach aceńvajecca nie mienš jak u 60 młn rubloŭ.
Pry ŭčynieńni apošniaha kradziažu mužčyna pakinuŭ na miescy złačynstva łom, za jakim vyrašyŭ viarnucca. Supracoŭniki Minskaha RUUS, što prybyli na vyklik, źviarnuli ŭvahu na hramadzianina i zatrymali jaho. Chutka byŭ vyjaŭleny i zatrymany chaŭruśnik.
