Žychar Rasii mieŭ namier zavieźci ŭ Biełaruś z Polščy 104 kh hašyšu. Jaho zatrymali polskija pamiežniki ŭ paniadziełak, 3 žniŭnia.
Tut i nižej fota: podlaski.strazgraniczna.pl
55-hadovy rasiejec padjechaŭ da punkta propusku «Kuźnica» na Audi A5. Pamiežniki spačatku prosta vyrašyli «prabić» jaho aŭto pa bazie. A zatym pry dahladzie słužbovy sabaka pakazaŭ, što ŭ mašynie schavanyja narkotyki, paviedamili ŭ Padlaskim adździaleńni pamiežnaj słužby.
U vyniku pad abšyŭkaj dźviarej, u kołavych arkach i dniščy Audi znajšli 135 hiermietyčna zapiačatanych pakietaŭ z rečyvam raślinnaha pachodžańnia. Ekśpiertyza paćvierdziła, što heta hašyš.
Niezakonny hruz, acenieny ŭ 3 młn złotych (kala 780 tysiač dalaraŭ), i aŭtamabil koštam 80 tysiač (kala 21 tysiačy dalaraŭ) aryštavanyja. Zatrymany zastajecca ŭ punkcie propusku «Kuźnica». Jamu pahražaje da 15 hadoŭ pazbaŭleńnia voli.
