12-hadovaja Nikol Bar z hrafstva Eseks u Anhlii atrymała ŭ teście IQ vynik 162. Heta na dva punkty bolš za vynik Albierta Ejnštejna i Styviena Chokinha, pieradaje hazieta Mirror.
mirror.co.uk
Dziaŭčynka zdała test razam sa svaim baćkam, jaki spadziavaŭsia trapić u tavarystva Mensa — arhanizacyju dla najrazumniejšych ludziej śvietu. Praŭda, Nikol prajšła test našmat lepš za tatu i atrymała maksimalny bał — 162.
Nikol, pa słovach baćkoŭ, vielmi šmat času nadaje vučobie, zajmajecca ŭ teatralnym hurtku, a svajo žyćcio płanuje pryśviacić miedycynie. U škole dziaŭčynka prykmietna abahnała adnahodkaŭ u matematyčnych viedach i asvoiła kompleksnyja liki jašče da taho, jak stała padletkam.
U mietodycy, pa jakoj byŭ raźličany intelekt Nikol, vynik u 140 punktaŭ pryznajecca jak «hienijalnaść». 161 bał ličycca maksimalnym dla darosłaha čałavieka. Albiert Ejnštejn i Styvien Chokinh u hetym teście atrymali pa 160 bałaŭ.
