Bojka minčukoŭ z haściami stalicy adbyłasia ŭnačy ŭ bary «Tumany» na vulicy Zybickaj u Vierchnim horadzie.
Jak paviedamlaje onliner.by sa słovaŭ śviedkaŭ, kala treciaj hadziny nočy ŭ bary pracavaŭ fatohraf — zdymaŭ naviedvalnikaŭ. Hrupa haściej Minsku paprasiła ich sfatahrafavać. Fatohraf admoviŭsia, za što adrazu atrymaŭ udar u skivicu. Za fatohrafa ŭstupiłasia hrupa biełarusaŭ z susiednich stolikaŭ.
U bojcy ŭdzielničali kala dziesiaci čałaviek. Achoŭniki biespaśpiachova sprabavali raźniać jaje.
Potym adzin z pryjezdžych dastaŭ z 221-ha «Miersedesa» pistalet i staŭ im razmachvać. Stralać jon nie pačaŭ, ale stuknuŭ pistaletam pa hałavie chłopca, jaki zastupiŭsia za fatohrafa.
Prysutnyja vyklikali milicyju. Pryjezdžyja sprabavali źjechać da jaje prybyćcia, ale na vyjeździe ŭtvaryŭsia zator, što i zatrymała ich da prybyćcia milicyjantaŭ.
Pa słovach śviedki, akramia milicyi na miesca zdareńnia prybyli niejkija ludzi ŭ cyvilnym, jakija dapytvali ŭdzielnikaŭ.
