tut.by
Minskaje «Dynama» vyjhrała ŭ BATE ŭ matčy 15-ha tura čempijanatu krainy pa futbole ź likam 1:0. Hulnia prajšła na «Barysaŭ-Arenie» ŭ paniadziełak. «Dynama» skaraciła adstavańnie da piaci ačkoŭ.
naohuł apošni raŭ BATE ciarpieŭ parazu ŭ čempijanacie ŭ pieršym tury siezona-2014 (0:2 ad salihorskaha «Šachciora»).
Na 21-j chvilinie adziny miač u sustrečy zabiŭ Hleb Rassadkin («Dynama»), a ŭ pačatku druhoha tajma na pole vyjšaŭ Alaksandr Hleb (BATE). Heta jaho pieršy vychad na pole paśla viartańnia ŭ Barysaŭ.
Nahadajem, što ŭ matčy 2-ha tura BATE vyjhraŭ u «Dynama» ŭ Minsku ź likam 2:0.
«Šachcior» siońnia razhramiŭ «Słaviju» — 6:1.
Paśla 15 turaŭ: BATE — 38, Dynama — 33, Šachcior — 27, Minsk — 26, Biełšyna — 25, Hranit — 24, Dynama Brest — 19, Tarpieda-BiełAZ — 18, Nioman, Słavija, Naftan — 16, Homiel — 14, Słuck — 10, Viciebsk — 9.
Matčy 16-ha tura projduć 14—17 žniŭnia. 14 žniŭnia BATE hulaje z «Homielem», a 15-ha «Dynama» — z «Šachcioram».
Na nastupnym tydni BATE i «Dynama» hulajuć u jeŭrakubkach.
