Hrupoŭka z ukrainskich chakieraŭ i amierykanskich biržavych brokierach zarabiła pa źviestkach Kamisii pa kaštoŭnych papierach i fondavym rynku ZŠA kala 100 młn dalaraŭ na infarmacyi, atrymanaj sa skradzienych pres-relizaŭ roznych karparacyj, piša Reuters. Abvinavačvajucca 9 čałaviek.

Chakiery atrymlivali dostup da karparatyŭnych pres-relizaŭ da ich publikacyi, što dazvalała brokieram atrymlivać prybytak z akcyj.

Naprykład, u adnym sa skradzienych pres-relizaŭ Caterpiller paviedamlaŭ pra rost prybytku na 36% — brokiery nabyli akcyi na 8,3 młn dalaraŭ, paśla publikacyi pres-relizu akcyi padskočyli na 2%, što dała niezakonny prybytak u 1 młn.

Chakiery navat stvarali dla trejdaraŭ videaŭroki pa vykarystańni skradzienaj infarmacyi. Śpiecsłužby adznačajuć dobruju kaapieracyju miž złačyncami i ich ciarplivaść.

Abjom skradzienaj infarmacyi i prybytkaŭ nazyvajecca biesprecedentnym. U ruki chakieraŭ trapiła 150 tysiač pres-relizaŭ sotni kampanij. Ź lutaha 2010 hoda złačyncy kuplali i pradavali akcyi bolš za tysiaču raz, hrošy vyvodzilisia praz estonskija banki.

Achviarami kradziažu źviestak stali servisy PRNewswire, Marketwired i Business Wire karparacyi Berkshire Hathaway — a praź ich kampanii Boeing, Caterpiller, Hewlett-Packard, Home Depot i inšyja.

***

Adnačasova z tym u ZŠA adbyłosia jašče adno chakierskaje zdareńnie: chakiery «Isłamskaj dziaržavy» śćviardžajuć, što apublikavali asabistyja źviestki 1400 amierykanskich vajskoŭcaŭ i supracoŭnikaŭ Dziarždepu.

Siarod apublikavanaj infarmacyi imiony, numary telefonaŭ, adrasy elektronnaj pošty i paroli, numary kredytnych kartak. Terarysty zaklikajuć zabivać ludziej sa śpisu. Ministerstva abarony śćviardžaje, što viedaje pra ŭciečku, ale nie moža kazać pra praŭdzivaść, dakładnaść i aktualnaść źviestak, pieradaje NBC.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?