Letaś u Biełarusi pabralisia šlubam 83 942 pary, ale pry hetym 34 864 siemji pryjšli ŭ ZAHS, kab aficyjna razarvać adnosiny.
Kaeficyjent razvodaŭ u Biełarusi skłaŭ 3,7 (kolkaść razvodaŭ na 1000 čałaviek nasielnictva).
Heta najvyšejšy pakazčyk siarod krain, jakija całkam znachodziacca ŭ Jeŭropie.
Biełarusy sastupajuć u hetaj naminacyi tolki Rasii, dzie kaeficyjent dasiahaje 4,7.
U bałtyjskich krainach siemji letaś byli krychu macniejšyja — u Litvie (3,4) i Łatvii (3,2).
A voś u Polščy, dzie kaścioł maje vialiki ŭpłyŭ na hramadstva, fiksujecca ŭdvaja mienš razvodaŭ, čym u bałtyjskich krainach.
Ujaŭlaje intares i roźnica pamiž rehijonami Biełarusi. Samyja tryvałyja siemji na Brestčynie i Hrodzienščynie (3,2 i 3,4 adpaviedna). Na Minščynie i Viciebščynie - 3,7. Najbolš razvodaŭ na Mahiloŭščynie i Homielščynie (3,8).
Minsk staić u rejtynhu asobna. U stalicy letaś było zarehistravana 4 razvody na 1000 čałaviek.
