Nieviadomy aŭtar stvaryŭ nabor stykieraŭ (hihanckich smajlikaŭ) dla Telegram z fota patencyjnaha kandydata ŭ prezidenty Taćciany Karatkievič, što zaŭvažyli karystalniki Facebook. Spampavać jaho možna tut.
Kab spampavać staronnija stykiery, treba pierajści pa spasyłcy na aficyjnym sajcie Telergam. Praŭda, tam niama poŭnaha śpisu — jon jość, naprykład, na nieaficyjnym tlgrm.ru.
Raniej dla Telegram źjaŭlalisia stykiery «Baćka», spampavać ich možna tut. Padobna, što stykieraŭ ź inšymi patencyjnymi kandydatami dla Telegram ci inšych mesendžaraŭ pakul niama.
***
Mesendžar Telegram — biaspłatnaja prahrama dla abmienu paviedamleńniami z adkrytym zychodnym kodam. Prajekt viadzie Pavieł Duraŭ, mesendžar pracuje na bazie pratakołu MTProto, raspracavanaha jaho bratam Mikałajem.
Stvaralniki zajaŭlajuć ab poŭnaj kryptastojkaści — paviedamleńni šyfrujucca tak, što sami raspracoŭščyki nie majuć da ich dostupu (i, adpaviedna, nie mohuć vydać pierapisku śpiecsłužbam — u adroźnieńnie ad kankurentaŭ).
Za ŭzłom šyfru raspracoŭščyki abiacajuć pryz u 300 tysiač dalaraŭ. Pakul była tolki adna surjoznaja zajaŭka na pryz: chakier znajšoŭ tekst u niezašyfravanym vyhladzie ŭ kešy Android-prahramy i pamiaci samoha Android. Pavieł Duraŭ nie pryniaŭ zajaŭku: jon śćviardžaje, što ŭraźlivaść naležyć nie mesendžaru, a Android, i što pry najaŭnaści root-dostupu (pravoŭ administratara, atrymać jakija samastojna moža tolki daśviedčany karystalnik) možna atrymać lubuju infarmacyju, što pakazvajecca na ekranie pryłady.