Litoŭskaje ministerstva adukacyi i navuki płanuje stvaryć bolš umoŭ dla pradstaŭnikoŭ nacmienšaściaŭ, jakija navučajucca ŭ škołach ź litoŭskaj movaj navučańnia, bolš mahčymaściaŭ dla vyvučeńnia rodnaj movy.
Płanujecca, što ź vieraśnia 2016 hoda mahčymaść vyvučać polskuju, ruskuju, biełaruskuju i inšyja rodnyja movy atrymajuć vučni druhich-dziasiatych kłasaŭ litoŭskich škoł. U ich budzie dva ŭroki rodnaj movy na tydzień.
Prajekty ahulnych pradmietnych prahram dla tych, chto abiraje rodnuju movu, ministerstva abiacaje padrychtavać na praciahu hetaha navučalnaha hoda.
Ciapier, jak praviła, pradstaŭniki nacmienšaściaŭ u škołach ź litoŭskaj movaj vykładańnia, vyvučajuć svaju rodnuju movu, vybirajučy jaje jak druhuju zamiežnuju z šostaha kłasa. «My chočam dać bolš mahčymaściaŭ dla baćkoŭ vybirać škoły, jakija b zabiaśpiečvali navučańnie nacmienšaściaŭ, vyvučeńnie etnakultury», — adznačyła ŭ pres-relizie ministr adukacyi i navuki Hienaviejta Krasaŭskienie.
