Kali ja budu ŭ Miensku, taksama padpišusia za adnaho apazicyjnaha kandydata. A za kandydatku padpisvacca nie budu.
U Miorach źbirajuć za apazicyjnaha kandydata Ł., ale da ich mnie dajechać ciažej, čym da Mienska.
A tak u rajcentrach stajać pikiety za Łukašenku. I pa kvaterach jahonyja adepty chodziać. Niedaloka ad nas zahadčyca dziciačaha sadka abyšła svaju viosku i susiednija, sabrała kala 200 podpisaŭ. U Parafjanavie pa kvaterach taksama chadzili. Dźvie maje susiedki pa domie admovilisia padpisvacca.
Ja i na vybary schadziŭ by. Chaj by čalcy kamisii pabačyli, za kaho ludzi hałasujuć (kali toj kandydat dojdzie da vybaraŭ). Ale ja žyvu za 22 km ad miesca prapiski, ad svajho vybarčaha ŭčastka, to musić i nie pajedu admysłova.
Ja ŭ 2010 hodzie naziralnikam byŭ, falsifikataraŭ za ruku złaviŭ. Heta redka kamu ŭ Biełarusi ŭdavałasia.
Za heta skarhu ŭ prakuraturu napisała na mianie praŭładnaja naziralnica, supracoŭnica adździeła ideałohii rajvykankama. Što hramadzianin Šytal niezakonna apytvaŭ vybarcaŭ, pahražaŭ siabram vybarčaj kamisii i raźmiaściŭ «niedostoviernuju» infarmacyju ŭ internecie.
Milicyjant, jaki mianie apytvaŭ, daŭ zrazumieć, što heta pomsta za toje, što ja nadaŭ rozhałas faktu parušeńniaŭ. Abvinavacili mianie, što ja pieravyšaŭ paŭnamoctvy naziralnika, apytvajučy vybarcaŭ. Nasamreč, u pieršy dzień daterminovaha hałasavańnia ja złaviŭ na pieršym paviersie škoły (pamiaškańnie dla hałasavańnia było na druhim) chabzajca i spytaŭ, ci pa svajoj voli jon pryjšoŭ na ŭčastak u pieršy dzień daterminovaha hałasavańnia.
