Ułady pierakryli prachod piešachodaŭ na praśpiekt Pieramožcaŭ i nie dali zładzić miehapikiet «Praśpiekt nacyjanalnaha ściaha», jak heta zadumali aktyvisty BNF.
Siońnia, a 17-j, jany vyjšli ź bieł-čyrvona-biełymi ściahami na płošču Svabody i zaprasili ŭsich da ich dałučacca.
Akcyja ładziłasia jak miehapikiet z metaj zboru podpisaŭ vybarščykaŭ u padtrymku Taćciany Karatkievič.
Videarepartaž:
Zhodna z Vybarčym kodeksam, rašeńniami Minharvykankama i tłumačeńniam Centralnaj kamisii pa vybarach, padobnaha rodu akcyi ŭ pieryjad zboru podpisaŭ nie patrabujuć śpiecyjalnaha dazvołu, i hetaja častka praśpiekta nie adniesiena da zabaronienych dla pikietavańnia, paviedamlaje pres-słužba BNF.
Tym nie mienš, za akcyjaj pilna nazirali amapaŭcy i ludzi ŭ cyvilnym. Bolš za toje, jany pierakryli tratuary na puciepravodzie, jaki złučaje płošču Svabody i praśpiekt Pieramožcaŭ, tamu aktyvisty vymušany byli zastacca tolki na płoščy kala Minskaj ratušy, paviedamlaje kar. NN.
