Tak, prezident Złučanych Štataŭ Amieryki Barak Abama pavinšavaŭ prezidenta Ukrainy Piatra Parašenku i ŭkrainski narod z 24 hadavinaj niezaležnaści.
Jon adznačyŭ, što za apošni hod Ukraina zrabiła važnyja kroki dla dasiahnieńnia mety, jakuju jana pastaviła pierad saboj z momantu atrymańnia niezaležnaści ŭ 1991 hodzie.
Prezident ZŠA taksama zapeŭniŭ, što jaho kraina i ŭ dalejšym budzie padtrymlivać Ukrainu ŭ nadzvyčaj važny pieryjad jaje historyi.
«Niahledziačy na šmatlikija vykliki, narod Ukrainy nabliziŭsia bolš čym kali-niebudź da ažyćciaŭleńnia svajho ahulnaha bačańnia svabodnaj, demakratyčnaj i kvitniejučaj krainy, tryvała intehravanaj u serca Jeŭropy», — adznačyŭ Abama.
Varta adznačyć, što prezident Francyi Fransua Ałand zapeŭniŭ u padtrymcy adnaŭleńnia suvierenitetu i terytaryjalnaj cełasnaści Ukrainy.
«U toj čas, kali našy dźvie krainy naładzili ciesnaje partniorstva dla ŭrehulavańnia kanfliktu, jaki raździraje ŭschod Ukrainy, chaču nahadać vam ab addanaści Francyi, jak i ŭsiaho Jeŭrapiejskaha Sajuza, niezaležnaści, suvierenitetu i terytaryjalnaj cełasnaści Ukrainy ŭ jaje miežach, pryznanych mižnarodnaj supolnaściu», — adznačajecca ŭ vinšavańni Ałanda.
U svaju čarhu staršynia Kitajskaj Narodnaj Respubliki Si Czińpin nakiravaŭ vinšavańnie z nahody Dnia niezaležnaści Ukrainy.
Kiraŭnik KNR pažadaŭ Ukrainie roskvitu, mahutnaści, ščaścia i miru.
Akramia taho, pavinšavaŭ Piatra Parašenku i ŭkrainski narod z 24 hadavinaj Niezaležnaści i sam papa Francišak.
«Ja malusia ŭ hetaj składanaj situacyi za vašu krainu, uznaŭlajučy maju duchoŭnuju blizkaść z achviarami i ich siemjami, a taksama z usimi, chto pakutuje. Ja padtrymlivaju tyja namahańni, jakija dapamahajuć ukrainskamu narodu ruchacca napierad u duchu ŭźjadnańnia i miru», — havorycca ŭ jaho vinšavańni.
