Bolš jak 70 udzielnikaŭ ź dzieviaci krain śvietu abmiarkujuć u Minsku moŭnuju i kulturnuju spadčynu Biełarusi ŭ čas Mižnarodnaj letniaj škoły biełarusistyki, jakaja ŭpieršyniu projdzie z 25 žniŭnia pa 7 vieraśnia ŭ Respublikanskim instytucie vyšejšaj škoły (RIVŠ), paviedamili ŭ pres-słužbie Biełdziaržuniviersiteta.
Siarod zamiežnych haściej śviata ŭ rabocie škoły prymuć udzieł studenty ź Vienhryi, Čechii, Hiermanii, Polščy, Słavakii, Rasii, Kitaja i Japonii. Jany praanalizujuć moŭnuju, histaryčnuju i kulturnuju spadčynu Biełarusi ŭ formie roznych kamunikacyjnych mierapryjemstvaŭ.
Prahramaj praduhledžany aŭdytornyja zaniatki pa praktycy biełaruskaha maŭleńnia (fanietyka, hramatyka, raźvićcio vusnaha i piśmovaha maŭleńnia), a taksama śpiecyjalnyja lekcyjnyja kursy pa roznych aśpiektach biełaruskaj movy, historyi i kultury. Studenty taksama buduć zadziejničany ŭ interaktyŭnych zaniatkach, majstar-kłasach i adukacyjnych ekskursijach. Hości biełaruskaj stalicy naviedajuć kaścioł śviatych Symona i Aleny, Śviata-Duchaŭ kafiedralny sabor, Nacyjanalny historyka-kulturny muziej-zapaviednik «Niaśviž», muziej-zapaviednik «Zasłaŭje», filijał dziaržaŭnaha litaraturnaha muzieja Janki Kupały «Viazynka».
U cyrymonii letniaj škoły prymuć udzieł rektar RIVŠ Viktar Hajsionak, prarektar pa vučebnaj rabocie BDU Alaksiej Danilčanka, dekan fiłałahičnaha fakulteta BDU Ivan Roŭda i staršynia Biełaruskaha kamiteta słavistaŭ Alaksandr Łukašaniec.
Arhanizatarami mierapryjemstva vystupili kafiedra maładziožnaj palityki RIVŠ i BDU.