Pretendent u kandydaty ŭ prezidenty Biełarusi Viktar Ciareščanka, jaki znachodzicca ŭ 3-j haradskoj kliničnaj balnicy, napisaŭ zajavu ŭ Leninskaje RUUS Minska z prośbaj pravieści rasśledavańnie incydentu, jaki adbyŭsia ranicaj 28 žniŭnia ŭ staličnym kafe «Hrunvald», paviedamlaje belprauda.org.
Nahadajem, Ciareščanka 28 žniŭnia byŭ dastaŭleny ŭ balnicu ź dziełavoj sustrečy, jakaja prachodziła ŭ kafe ŭ centry Minska.
Jon zamoviŭ sabie markoŭny freš ź viarškami, potym u Ciareščanki źjaviŭsia aciok i zdranćvieńnie tvaru, vačej.
Jaho dastavili ŭ 3-ju haradskuju kliničnuju balnicu, dzie miedyki dyjahnastavali ŭ jaho alerhičnuju reakcyju.
«Biełaruskaj praŭdzie» Ciareščanka zajaviŭ: «Jość treciaja asoba, zacikaŭlenaja, kab ja nie pieraškadžaŭ, kab mianie nie było ŭ śpisach dla hałasavańnia. Ja prychilnik dziaržaŭnaści, ja suprać Płoščy, suprać raschistvańnia čoŭna, u jakim my ŭsie znachodzimsia — Respubliki Biełaruś, ja prafiesar ekanomiki i kažu pra reformy ŭ ekanomicy. Ale kahości heta nie zadavalniaje».
Atačeńnie palityka nie vyklučaje sprobu atručvańnia Viktara Ciareščanki.