Udzielnicy konkursu «Misis Suśviet», jaki adbyvaŭsia ŭ Minsku na hetym tydni, naviedali 5-ju bryhadu śpiecyjalnaha pryznačeńnia sił śpiecyjalnych apieracyj Uzbrojenych Sił Biełarusi.
«Naviedvańnie udzielnicami konkursu pryhažości vajskovaj častki sił śpiecyjalnych apieracyj pakazvaje absalutnuju adkrytaść našaj krainy», — padkreślili ŭ pres-słužbie Minabarony. Biełaruskija vajskoŭcy, jak samyja haścinnyja ludzi, akazali žančynam ciopły pryjom i prademanstravali zdolnaść i ŭmieńnie nadziejna abaranić mir na biełaruskaj ziamli, pieradaje BiełTA.
U konkursie ŭdzielničali zamužnija paśpiachovyja, sacyjalna aktyŭnyja pryhožyja žančyny. Siarod udzielnic byli pradstaŭnicy Bałharyi, Brazilii, Vialikabrytanii, Vieniesueły, Indyi, Kazachstana, Łatvii, Małajzii, Malty, Mieksiki, Rasii, Japonii — usiaho 55 udzielnic.
Pieramožcaj stała Ešli Burncham z Kanady.
Hł. U Minsku abrali «Misis Suśviet — 2015».