Pavodle ŚMI, u vyniku avaryi ŭ Svazilendzie zahinuli 65 dziaŭčat.
DTZ z udziełam dvuch hruzavikoŭ i lehkavoha aŭtamabila adbyŭsia ŭ Karaleŭstvie Svazilend pozna ŭviečary 28 žniŭnia. Hruzaviki pieravozili dziaŭčat, jakija pavinny byli ŭdzielničać u nacyjanalnym fiestyvali umchłanha, abo «Taniec tryśniahu», jaki štohod adbyvajecca la karaleŭskaj rezidencyi.
«Taniec tryśniahu» — masavaje śviata ŭ Svazilendzie, kulminacyjaj jakoha źjaŭlajecca taniec niekalkich tysiač dziaŭčat, jakija žadajuć stać žonkaj karala.
Karol Msvaci III, jaki ciapier užo maje 13 žonak, adnaviŭ tradycyju praviadzieńnia śviata na dziaržaŭnym uzroŭni ŭ 2001 hodzie, kab zaachvocić dziaŭčat da cnoty i dla baraćby z epidemijaj ŚNIDu. Akramia taho, była ŭviedzienaja aficyjnaja zabarona na seksualnyja adnosiny dla dziaŭčat, maładziejšych za 21 hod. Paśla śviata Msvaci arhanizuje razdaču jałavičyny ŭsim udzielnicam umchłanhi.