Premjer-ministr Ukrainy Arsienij Jacaniuk zajaŭlaje, što z 1 vierasienia ŭłady krainy pryniali rašeńnie pavialičyć usie sacyjalnyja vypłaty. Taksama vyraście minimalny zarobak i piensii.
Pra heta jon zajaviŭ u efiry telepieradačy «10 chvilin z premjer-ministram» u niadzielu ŭviečary.
«My razam z prezidentam pryniali rašeńnie ab nieabchodnaści pavyšeńnia sacyjalnych standartaŭ», — zajaviŭ jon.
Pa słovach premjera, zakon praduhledžvaŭ, što minimalnaja zarpłata i pražytačny minimum vyrastuć z 1 śniežnia, ale było pryniata rašeńnie ab pavyšeńni z 1 vieraśnia.
Jacaniuk paviedamiŭ, što z 1 vieraśnia minimalnaja piensija budzie pavyšanaja da 1074 hryŭniaŭ (1 hryŭnia — 815 biełaruskich, h.zn. 875 tys. u ekvivalencie) i heta budzie tyčycca 7,5 miljona hramadzian.
Minimalny zarobak pavialičvajecca ź ciapierašnich 1218 hryŭniaŭ da 1378 hrn (1 młn 124 tys. biełaruskich u ekvivalencie, u Biełarusi minimalny zarobak składaje 2 młn 100 tys.).
Pa słovach premjera, pavyšeńnie zakranie bolš za 3 młn rabotnikaŭ biudžetnaj śfiery.
U pryvatnaści, nastaŭnik biez katehoryi atrymaje dadatkova 470 hrn, nastaŭnik vyšejšaj katehoryi - 605 hrn. Siamiejny lekar budzie atrymlivać dadatkova 450 hrn, a miedsiastra - 304 hrn. Rabotniki kultury (naprykład, biblijatekary) atrymajuć dadatkova 348 hrn, a sacyjalnaj śfiery - 304 hrn.
