Słužba biaśpieki Ukrainy ŭ adkaz na zapyt ŚMI apublikavała śpis z 16 rasijskich dziejačaŭ kultury i žurnalistaŭ, jakim zabaronieny ŭjezd u krainu.
Ujezd na terytoryju Ukrainy zabaronieny publicystam Uładzimiru Kučarenku, Jahoru Chałmahoravu i Michaiłu Chazinu.
U čorny śpis taksama patrapili śpievaki Aleh Hazmanaŭ, Iosif Kabzon, Mikałaj Rastarhujeŭ, Stas Pjecha i Hryhoryj Leps, śpiavačka Valeryja i jaje muž, pradziusar Iosif Pryhožyn, akciory Siarhiej Biazrukaŭ, Michaił Bajarski, Ivan Achłabyścin, Michaił Parečankaŭ, Žerar Depardjo i režysior Mikita Michałkoŭ.
U pačatku žniŭnia Ministerstva kultury Ukrainy apublikavała śpis z 14 dziejačoŭ kultury, jakija, na dumku ŭkrainskich uładaŭ, ŭjaŭlajuć pahrozu nacyjanalnaj biaśpieki dziaržavy. Novy śpis papoŭnili Mikita Michałkoŭ i Stas Pjecha.
Pryčynaj dla ŭklučeńnia ŭ śpis stali vykazvańni hetych rasijanaŭ u padtrymku anieksii Kryma ci ŭzbrojenych prychilnikaŭ samaabvieščanych respublik na ŭschodzie krainy.
