Reuters.com
Śviataram Rymska-katalickaj carkvy budzie dazvolena adpuskać hrachi žančynam, jakija zrabili abort, i daktaram, jakija pravodziać takija apieracyi, vynikaje ź lista Papy Franciška, apublikavanaha Vatykanam.
Heta rašeńnie budzie dziejničać na čas pazačarhovaha tak zvanaha Jubilejnaha hoda, jaki pačniecca 8 śniežnia 2015 h. U chodzie takoha hoda dapuskajecca mahčymaść asablivaha adpuščeńnia hrachoŭ.
«Ja vyrašyŭ, niahledziačy ni na jakija piarečańni, dazvolić usim śviataram na praciahu Jubilejnaha hoda pa svaim mierkavańni adpuskać hrech abortu tym, chto jaho ździejśniŭ, i chto sa złamanym sercam, šukajem prabačeńnia za heta», — havorycca ŭ liście pantyfika.
Takim čynam, Francišak pajšoŭ suprać mierkavańnia kansiervatyŭnych kołaŭ u katalickaj carkvie, jakija vyklučajuć lubuju mahčymaść adpuścić hrachi tym, chto ździejśniŭ abort.
Jak napisaŭ pantyfik, jon sustrakaŭ vielmi mnohich žančyn, «jakija niasuć u svaim sercy šnar hetaha pakutlivaha i chvaravitaha rašeńnia».
Pavodle vučeńnia Rymska-katalickaj carkvy, abort źjaŭlajecca nastolki ciažkim hrachom, što toj, chto jaho ździejśniŭ, aŭtamatyčna adłučvajecca ad pryčaścia. Zvyčajna adpuścić hety hrech moža tolki hałoŭny duchoŭnik jeparchii, ale rašeńnie Papy daść takuju mahčymaść usim śviataram.
Pra rašeńnie pravieści pazačarhovy Jubilejny hod Francišak abviaściŭ u krasaviku. U apošni raz takoje rašeńnie prymałasia ŭ 2000 hodzie papam Janam Paŭłam II.
