Ukrainskaha dypłamata Ihara Fiedzikieviča vysłali z Rasii, paviedamlajuć rasijskija infarmahienctvy sa spasyłkaj na krynicy ŭ MZS RF.
Pa słovach surazmoŭcaŭ ahienctvaŭ, vysyłka dypłamata, jaki pracavaŭ u Sankt-Pieciarburhu, stała adkazam na vypravadžeńnie z Ukrainy supracoŭnika rasijskaha konsulstva ŭ Adesie. Krynicy nazvali hety krok «simietryčnaj mieraj».
Rasijski dypłamat Valeryj Šabieka byŭ vysłany z Ukrainy i abvieščany piersonaj non-hrata ŭ lipieni. Rašeńnie ab vysyłcy rasiejca ŭkrainskaje ministerstva zamiežnych spraŭ pryniało na padstavie materyjałaŭ, atrymanych ad śpiecsłužbaŭ.
U słužbie biaśpieki Ukrainy zajavili, što dziejnaść Šabieki była niesumiaščalnaja z dypłamatyčnaj, nie patłumačyŭšy, pra što mienavita idzie havorka. U SBU taksama adznačyli, što Šabieka parušyŭ Vienskuju kanviencyju ab dypłamatyčnych znosinach.
Tady rasijski MZS nazvaŭ vysyłku svajho dypłamata niepryjaznym krokam i paabiacaŭ pryniać miery ŭ adkaz.