Mazyrski strytrejsier na svaim «Saabie» niebiaśpiečna łaviravaŭ pa haradskich vulicach, čym pryciahnuŭ uvahu supracoŭnikaŭ DAI.
Kali inśpiektary pasprabavali jaho spynić, vuličny honščyk tolki pavialičyŭ chutkaść. Pieraśled doŭžyŭsia kala 10 chvilin. Sprabujučy źbiehčy strytrejsier raz-poraz vylataŭ na sustrečnuju pałasu.
«Kiroŭca nieadnarazova parušaŭ praviły abhonu i stvaraŭ avaryjnuju abstanoŭku dla inšych udzielnikaŭ darožnaha ruchu, - raspavioŭ staršy inśpiektar ADAI Mazyrskaha RAUS Dźmitryj Dziarkač. — U pracesie pahoni raźvivaŭ chutkaść u haradskoj miažy da 200 kiłamietraŭ u hadzinu. Pieraśled doŭžyŭsia kala 10 chvilin».
U dačynieńni da kiroŭcy skłali 8 administracyjnych pratakołaŭ. Maksimalnaja suma štrafaŭ, jakaja jamu pahražaje, - bolš za 15 miljonaŭ. Taksama na bližejšyja try hady jaho mohuć pazbavić pravoŭ.
