Dźvie hramadzianki Ukrainy zahinuli, dziaŭčyna ź Biełarusi atrymała surjoznyja ranieńni ŭ vyniku DTZ u Jehipcie.
Aŭtakatastrofa, jak pieradajuć jehipieckija ŚMI, adbyłasia napiaredadni pozna ŭviečary na ŭčastku Ros-Hareb — Zaafarana trasy Kair — Churhada.
Dziaŭčaty razam ź jehipcianinam, jaki dobra viadomy ŭ madelnych i kiniematahrafičnych kołach jak supracoŭnik pa najmie akcioraŭ, viartalisia sa zdymak. Žycharka Biełarusi dastaŭlena ŭ balnicu Ros-Hareba ź ciažkimi pierałomami. Akaličnaści katastrofy ŭdakładniajucca.
Pa dadzienych ŚMI, paśla avaryi mašyna adnaŭleńniu nie padlahaje.
Usie pasažyry aŭtamašyny pražyvali ŭ Churhadzie na pastajannaj asnovie. U adnoj z ukrainak doma zastałasia małaletniaja dačka. U sacyjalnych sietkach užo arhanizavany zbor srodkaŭ dla akazańnia sadziejničańnia ŭ transparciroŭcy ciełaŭ zahinułych na radzimu.
