Samaabvieščanaja «Danieckaja narodnaja respublika (DNR)» zabłakavała pastaŭki vuhalu na Ukrainu. Pra heta paviedamlaje ŭ aŭtorak, 8 vieraśnia, Danieckaje ahienstva navinaŭ sa spasyłkaj na «ministra transpartu» DNR Siamiona Kuźmienku.
«Va Ukrainy zaraz krytyčnaja situacyja, im patrabujecca 1 miljon 200 tysiač ton u miesiac našaha paliva», - adznačyŭ ministr. Jon rastłumačyŭ, što błakada ŭviedziena ŭ adkaz na spynieńnie pastavak z Ukrainy paliva i zapčastak dla vahonaŭ i łakamatyvaŭ. Pavodle jaho słoŭ, u DNR ciapier pracazdolna tolki tracina łakamatyŭnaj haspadarki, što niedastatkova dla patrebaŭ respubliki.
Pavodle aficyjnaj statystyki, abjom zdabyčy kamiennaha vuhalu va Ukrainie ŭ 2014 hodzie skaraciŭsia ŭ dva razy: z 5 miljonaŭ ton u studzieni da 2,5 miljona ton u śniežni.
U ciapierašni čas vialikaja kolkaść šacht znachodzicca na niepadkantrolnaj Kijevu terytoryi Danieckaj i Łuhanskaj respublik, z-za čaho kraina nie moža zabiaśpiečyć siabie vuhlom. Ministr enierhietyki Ukrainy Uładzimir Dziamčyšyn zajaŭlaŭ pra toje, što Kijeŭ budzie impartavać vuhal, u tym liku i z Rasii.
