U biahučych ekanamičnych umovach u krainach Jeŭrazijskaha ekanamičnaha sajuza (JEAES) važna nie dapuścić tak zvanaj turbulentnaj devalvacyi, syści ad spakusy stvaryć dla siabie karotkaterminovuju pieravahu ŭ źniešnim handli za košt pasłableńnia nacyjanalnaj valuty. Takuju zajavu zrabiŭ premjer-ministr Rasii Dźmitryj Miadźviedzieŭ na pašyranym pasiadžeńni Jeŭrazijskaha mižuradavaha savieta 8 vieraśnia ŭ Hrodnie.
«Hety šlach niebiaśpiečny i moža razbałansavanaść ceły šerah halin ekanomiki», — dadaŭ jon.
Pavodle Miadźviedzieva, biahučaja ekanamičnaja situacyja bolš składanaja ŭ paraŭnańni z toj, u jakoj stvaraŭsia JEAES.
«Stanovišča ŭ suśvietnaj ekanomicy źjaŭlajecca składanym i nie mahčyma da kanca jaho praličyć, isnuje turbulentnaść na fondavych rynkach i rynkach kapitału ŭ cełym šerahu krain, takich jak Kitaj, jeŭrapiejski rynak», — adznačyŭ kiraŭnik urada RF.
«Na ekanomicy Rasijskaj Fiederacyi akramia hetych faktaraŭ adbivajecca sankcyjny cisk, u vialikaj niavyznačanaści zastajecca rynak vuhlevadarodaŭ. Takim čynam, vałacilnaść na finansavych i tavarnych placoŭkach źjaŭlajecca klučavym faktaram novaha ekanamičnaha žyćcia. My abaviazanyja heta ŭličvać pry vyznačeńni našaj ułasnaj palityki», — zajaviŭ Miadźviedzieŭ.
Usie hetyja faktary, pavodle jaho, stvarajuć dadatkovyja ryzyki dla nacyjanalnych ekanomik. Dla narmalizacyi dziełavoj aktyŭnaści i viartańnia inviestaraŭ «spatrebicca čas», skazaŭ Miadźviedzieŭ. Razam z tym, ličyć jon, «heta dobry stymuł dla kansalidacyi sił i abjadnańnia dziejańniaŭ».
