«Naša Niva» viała anłajn-repartaž s miesca padziei.
Voś videa:
19:42
Pikiet zaviaršajecca, ludzi pacichu razychodziacca.
19:01
Statkievič praciahvaje adkazvać na pytańni, jak žurnalistaŭ, tak i prachožych. Jon kaža, što Łukašenka zusim nie harant niezaležnaści, a jaje pahroza.
«Rasijski miadźviedź budzie pastajanna dychać u patylicu» — kaža jon. Statkievič zaznačaje, što Biełarusi treba mianiać formu ŭładu, jak u Polščy, kali ŭłada padzielena pamiž prezidentam i premjeram. Jon skieptyčna stavicca da parłamienckaj formy kiravańnia.
Palityk zaznačaje, što Biełaruś apynułasia ŭ dziŭnaj situacyi, z adnaho boku aŭtarytaryzm, a ź inšaha boku pahroza z boku Rasii.
Statkievič kaža, što da vybaraŭ rasijskaj avijabazy nie budzie, a paśla vybaraŭ «za dobryja hrošy, pahadnieńnie budzie padpisanaje».
18:44
Statkievič padziakavaŭ ludziam za pikiet, za ich mužnaść i paprasiŭ razychodzicca.
Labiedźka zaklikaŭ ludziej zapisvacca ŭ naziralniki, kab fiksavać kolkaść ludziej, jakija pryjduć hałasavać.
Statkievič praciahvaje niefarmalna razmaŭlać ź ludźmi, jany dzielacca svaimi prablemami.
18:39
Kala HUMa sabrałasia bolš za 200 čałaviek.
«My patrabujem narmalnych vybaraŭ, my pakazali, što my ludzi, my pavinny zrabić Biełaruś volnaj», — kaža Statkievič. Jon prapanuje zładzić sustreču vybarcaŭ z Łukašenkam, a taksama stvaryć sajt u internecie, kab zadavać jamu pytańni.
Niaklajeŭ zaznačaje: «Siońnia ŭsim biełarusam stali davodzić, što tolki z adnym čałaviekam my budziem svabodnymi, ale heta nie tak. Za 20 hadoŭ reformaŭ u krainie niama, abmiažoŭvajucca pravy ludziej, za 20 hadoŭ praŭleńnia Łukašenki pieraśledujucca ludzi, ad biełaruskaści ničoha nie zastałosia, biełaruski śviet zamienieny ruskim. Ja ničoha nie maju suprać ruskich nie maju, nie maju suprać Rasii, ale ja nie za ruski śviet.
Nam zaraz z Łukašenkam prapanujuć iści ŭ Jeŭropu, ale heta nonsens», — kaža U. Niaklajeŭ.
Labiedźka prapanuje abviaścić 11 kastryčnika «Dzień hrybnika» abo dzień naviedvańniaŭ ziaciem cioščy. «Heta budzie naša pieramoha, jany chočuć farsu, chaj budzie fars», — kaža jon.
18:31
Pryjšoŭ Aleś Michalevič, jaki niadaŭna viarnuŭsia z emihracyi. Jaho sustrakajuć apładysmientami. Michalevič i Statkievič abdymajucca.
Statkievič razmaŭlaje i z hrafam Prušynskim.
18:26
Režysiorka i hramadskaja aktyvistka Volha Mikałajčyk uźlezła na parapiet HUMa ź vialikim bieł-čyrvona-biełym ściaham.
18:24
Ludzi skandujuć «Žyvie Biełaruś», ładziać avacyi Statkieviču.
18:21
Milicyja nie pieraškadžaje schodu, stajać pa pierymietry.
18:16
Kala HUMa sabrałasia ŭžo bolš za 100 čałaviek. Milicyjanier skłaŭ pratakoł ab administracyjnym parušeńni na Statkieviča i syšoŭ.
Statkievič nie pradprymaje niejkich radykalnych krokaŭ, jon razmaŭlaje ź ludźmi, adkazvaje na pytańni žurnalistaŭ, prostych ludziej. Ludzi padychodziać, cisnuć jamu ruku, vykazvajuć jamu padziaku, fatahrafujucca.
Pryjšła maci hramadskaha aktyvista Viačasłava Siŭčyka — Halina Siŭčyk
18:11
Uźniata, jak minimum, try bieł-čyrvona-biełyja ściahi.
Statkievič kaža, što jon zadavoleny pikietam. «Absalutna narmalna prachodzić pikiet», — kaža jon.
18:10
Milicyja składaje pratakoł na Statkieviča. Palityk kaža, što pakul budzie Łukašenka, reformaŭ u krainie nie budzie.
18:04
Pryjšoŭ hraf Alaksandr Prušynski, sprabuje hutaryć ź Vitalom Vołatam.
18:03
Pryjšoŭ čałaviek z čyrvona-zialonym ściaham, pradstaviŭsia Vital Vołat. Kaža, što ŭ Iraku zahinuła šmat naroda, a jon nie choča, kab ludzi hinuli ŭ Biełarusi.
«Žyvie Łukašenka, žyvie Biełaruś», — niekalki razoŭ paŭtaraje jon. Kaža, što budučynia za Łukašenkam, ale jon nie viečny. Vital Vołat kaža, Karatkievič jamu padabajecca, ale Łukašenka lepšy.
18:02
Mikałaja Statkieviča pałochajuć pratakołam. Statkievič kaža, što jon praz hadzinu skončyć.
Milicyja prapanuje jamu prajści ŭ pastarunak.
Ludzi pačynajuć aburacca, kažuć, što dajcie pahavaryć sa Statkievičam.
18:01
Pieraboi ź videa-tranślacyjaj. Mahčyma, pieradaču dadzienych błakujuć.
18:00
Załunali bieł-čyrvona-biełyja ściahi.
17:50
Sabrałasia niekalki dziasiatkaŭ čałaviek. Pryjšoŭ Uładzimir Niaklajeŭ.
17:45
Kala HUMa pajaviŭsia Mikoła Statkievič, jaho abstupajuć ludzi, cisnuć ruku.
17:43
Kala HUMa chodzić niekalki čałaviek z navušnikam u vuchu, ale milicyi pakul nie nazirajecca
***
«Kali Łukašenka sapraŭdy choča hetaj lehitymnaści, to chaj nie zaminaje nam realizoŭvać naša kanstytucyjnaje prava na volny i mirny schod. Kali buduć chapać, vincić, sadžać — chaj raźvitajecca sa svajoj lehitymnaściu. Ja zaprašaju na hetaje mierapryjemstva pradstaŭnikoŭ doŭhaterminovaj misii naziralnikaŭ ABSE. Pahladzim, što budzie dalej», — zajaviŭ kandydat na vybarach 2010 h. i eks-palitviazień u paniadziełak.
Pra svaju padtrymku pikieta zajavili Uładzimir Niaklajeŭ i Anatol Labiedźka.
