Suśvietnyja ceny na pradukty charčavańnia ŭ žniŭni ŭpali da minimumu sa śniežnia 2008 hoda. Ab hetym paviedamlajecca ŭ relizie Charčovaj i sielskahaspadarčaj arhanizacyi Abjadnanych Nacyj (FAO).
Indeks cen na charčovyja tavary FAO ŭ žniŭni apuściŭsia na 8,5 punkta ŭ miesiačnym vyražeńni, abo na 5,2%, da 155,7 punkta.
U hadavym vymiareńni pakazčyk źniziŭsia na 42,6 punkta (21,4%), adznačajecca ŭ paviedamleńni.
Miesiacovy spad cenaŭ byŭ adznačany na ŭsie vidy praduktaŭ za vyklučeńniem miasa, ceny na jakoje zastalisia ustojlivymi.
«U dadatak da zališnich zapasaŭ, šerah inšych faktaraŭ spryjaŭ źnižeńniu (cen), u tym liku padzieńnie cenaŭ na enierhanośbity i aściarohi z nahody zapavoleńnia ekanamičnaha rostu Kitaja i jaho niehatyŭnych nastupstvaŭ dla suśvietnaj ekanomiki i finansavych rynkaŭ», — vynikaje z paviedamleńnia.
Padzieńnie cenaŭ na zbožžavyja pradukty arhanizacyja źviazvaje z vysokimi zapasami pšanicy i palapšeńniem pierśpiektyŭ uradžaju kukuruzy ŭ ZŠA.
Razam usio heta pryviało da źnižeńnia indeksu cen na zbožžavyja pradukty ŭ žniŭni na 11,6 punkta, abo 7%, da 154,9 punkta — minimumu z červienia 2010 hoda.
