ZŠA padtrymajuć kandydaturu Čarnahoryi na ŭstupleńnie ŭ NATA ŭ chodzie sustrečy kiraŭnikoŭ MZS krain — udzielnic aljansu, jakaja projdzie ŭ śniežni 2015 hoda.
Pra heta zajaviŭ siońnia vice-prezident ZŠA Džozef Bajden padčas telefonnaj razmovy z premjer-ministram Čarnahoryi Miła Džukanavičam.
«Złučanyja Štaty hatovyja padtrymać zajaŭku na ŭstupleńnie (u aljans) Čarnahoryi na śniežańskaj sustrečy kiraŭnikoŭ MZS NATA», — pryvodzić słovy Bajdena pres-słužba Biełaha doma.
Vice-prezident ZŠA vysunuŭ ŭmovy - Čarnahoryja pavinna «praciahnuć reformy (pa baraćbie z karupcyjaj i złačynnaściu) i pavysić ŭzrovień padtrymki ŭstupleńnia ŭ NATA siarod svajho nasielnictva».
U Maskvie niehatyŭna staviacca da mahčymaha ŭstupleńnia Čarnahoryi ŭ Paŭnočnaatłantyčny aljans, zajaviŭ raniej pastajanny pradstaŭnik RF pry NATA Alaksandr Hruško.
U červieni, znachodziačysia ź vizitam u Čarnahoryi, hienieralny sakratar aljansu Jens Stołtenbierh, zajaviŭ, što NATA prymie rašeńnie adnosna zaprašeńnia Čarnahoryi ŭ aljans u śniežni 2015 hoda.
