Prezident Ukrainy Piatro Parašenka zajaviŭ ab pryniaćci rašeńnia adkłaści praviadzieńnie dalejšaj mabilizacyi — «nie pravodzić i nie abjaŭlać».
Pra heta Parašenka zajaviŭ u svaim ustupnym słovie pierad sustrečaj z pradstaŭnikami frakcyj kaalicyi ŭviečary 14 vieraśnia.
«Mnoju pryniata rašeńnie va ŭmovach faktyčnaj realizacyi režymu spynieńnia ahniu adkłaści mabilizacyju, nie pravodzić i nie abviaščać. Siońnia dla hetaha źjavilisia pieršyja kvołyja mahčymaści. I vykarystoŭvać źmieny ŭ biudžet u tym liku dla pavieličeńnia kantraktnaha składniku našaj armii», — adznačyŭ Parašenka.
5 vieraśnia Parašenka zajaviŭ, što heta «pieršy tydzień, kali na froncie nie stralajuć i kali pačali «pracavać «Minskija damoŭlenaści».
«Jašče hinuć u DTZ i pa-inšamu … ale ŭ bojesutyknieńniach, ad abstrełaŭ siońnia nie hinuć. I hety tydzień — ćviordaja nadzieja na toje, što namahańni Ukrainy, majoj kamandy, maje — zabiaśpiečyć mir — daduć nam mahčymaść budavać novuju dziaržavu», — zajaviŭ Parašenka.
Paśla prezident zajaviŭ, što z 2 vieraśnia va Ukrainie prachodzić maštabnaja demabilizacyja.