Alaksandr Łukašenka prybyŭ z rabočym vizitam u Rasijskuju Fiederacyju, paviedamili ŭ pres-słužbie biełaruskaha lidara.

Kiraŭnik dziaržavy voźmie ŭdzieł u mierapryjemstvach druhoha Forumu rehijonaŭ Biełarusi i Rasii, jaki projdzie 17—18 vieraśnia ŭ Sočy.

Aeraport Sočy. Fota: Ihar Jakunin

U centry ŭvahi ŭdzielnikaŭ forumu budzie mižrehijanalnaje supracoŭnictva Biełarusi i Rasii ŭ halinie pramysłovaj vytvorčaści, farmiravańnie prampalityki z navukova-technałahičnaha i inavacyjnaha punktaŭ hledžańnia, raźvićcio pramysłovaj kaapieracyi. Płanujecca taksama razhledzieć pytańni abjadnańnia finansavaha i markietynhavaha patencyjałaŭ dźviuch dziaržaŭ, dyviersifikacyi nacyjanalnych ekanomik, stvareńnia novych vytvorčaściaŭ, raźvićcia čałaviečaha kapitału.

Čakajecca, što ŭ plenarnym pasiadžeńni forumu buduć udzielničać bolš za 350 pradstaŭnikoŭ zakanadaŭčaj i vykanaŭčaj halin ułady Biełarusi i Rasii, rehijonaŭ, kiraŭnikoŭ bujnych pradpryjemstvaŭ i biznes-supolnaściaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?