Ihar Strałkoŭ (Hirkin)

Ihar Strałkoŭ (Hirkin)

Były lidar bajevikoŭ Słavianska Ihar Strałkoŭ-Hirkin nazvaŭ «tryźnieńniem» słovy eks-premjera samaabvieščanaj DNR Alaksandra Baradaja pra toje, što achova Baradaja vyviezła Strałkova z Danbasa źviazanym. Pra heta vydańniu «Hazieta.Ru» zajaviŭ sam Strałkoŭ.

«Hety tryźnieńnie ja nie kamientuju, usio», — adznačyŭ Strałkoŭ.

Raniej u intervju amierykanskaj haziecie The Washington Post Baradaj raspavioŭ padrabiaznaści źmieny ŭłady ŭ DNR letam 2014 hoda. U pryvatnaści, achovie Baradaja nibyta pryjšłosia źviazać Ihara Strałkova, kab vyvieźci jaho za miežy Danbasa. Pry hetym były premjer abazvaŭ Strałkova «viaskovym varjatam».

Baradaj ciapier znachodzicca ŭ Maskvie i zajmajecca raźvićciom svajho kansałtynhavaha biźniesu. «Kansałtynh — intymny biźnies, jaki patrabuje indyvidualnaha padychodu», — adznačyŭ Baradaj.

Ihar Strałkoŭ (Hirkin) paśla sychodu z pasady ministra abarony «DNR» pakinuŭ terytoryju Danbasa. Paśla adstaŭki viadzie hramadskuju dziejnaść, časta vystupajučy z krytyčnymi kamientarami ŭ adras kiraŭnictva «DNR» i «ŁNR».

Čytajcie taksama
Hirkin (Strałkoŭ): Sproba dałučyć Danbas nie ŭdałasia VIDEA

Клас
Панылы сорам
Ха-ха
Ого
Сумна
Абуральна