Siońnia barysaŭski BATE ŭ piaty raz — u piaty raz, panovie — voźmie start u hrupavoj stadyi futbolnaj Lihi čempijonaŭ. Supiernikam biełarusaŭ budzie niamiecki «Bajer». Hulnia projdzie ŭ Levierkuzenie i pačniecca ŭ 21.45. U Rymie zhulajuć «Roma» i «Barsiełona».
Startavyja matčy BATE składvalisia pa-roznamu. Svoj pieršy matč barysaŭcy praviali siem hadoŭ tamu, 19 vieraśnia 2008 h., suprać madrydskaha «Reała» i sastupili ź likam 0:2. U nastupnaj hulni ŭ Minsku BATE daŭ boj «Juvientusu» — 2:2.
U siezonie 2011/2012 BATE pačynaŭ hrupavy raŭnd matčam suprać plzienskaj «Viktoryi» ŭ Prazie i zhulaŭ uničyju — 1:1. A potym byŭ razhrom ad «Barsiełony» ŭ Minsku — 0:5.
Siezon 2012/2013 BATE pačaŭ haściavoj pieramohaj nad francuzskim «Lilem» — 1:3. Cikavy fakt, što francuzski kłub treniravaŭ Rudzi Harsija, jaki praz dva tydni pryviazie ŭ Barysaŭ italjanskuju «Romu». A što było ŭ siezonie 2012/2013, vy pamiatajecie. Praz dva tydni, 2 kastryčnika, BATE vyjhraŭ na svaim poli ŭ «Bavaryi» — 3:1.
A voś siezon 2014/2015 pačaŭsia niaŭdała. U pieršym matčy hrupavoha raŭndu BATE razhromna prajhraŭ u haściach «Portu» — 0:6. Pryčym heta byŭ nie kaniec, paśla pieramohi praz dva tydni nad baskskim «Atletykam» (2:1), BATE potym dvojčy razhromna sastupiŭ danieckamu «Šachcioru» — 0:7, 0:5.
