CVK Biełarusi apublikavaŭ infarmacyju pra ahulnuju sumu srodkaŭ, jakija pastupili ŭ vybarčyja fondy kandydataŭ u prezidenty. Samym vialikim na 16 vieraśnia apynuŭsia fond Alaksandra Łukašenki — u im 202 młn 360 tys. rubloŭ.

Na rachunak Taćciany Karatkievič pastupiła 400 tysiač rubloŭ. Na vybarčyja rachunki Siarhieja Hajdukieviča i Mikałaja Ułachoviča hrošaj pakul nie pieraličvałasia.

U adpaviednaści z Vybarčym kodeksam, krynicami farmiravańnia asabistaha fondu kandydata ŭ prezidenty źjaŭlajucca jaho ŭłasnyja hrašovyja srodki, pryčym ich hraničny pamier nie moža pieravyšać 9000 bazavych vieličyń. Takim čynam, na siońnia maksimalny pamier fondu składaje 1 młrd 620 młn rubloŭ (9000 bazavych vieličyń). Akramia taho, da krynic adnosiacca dobraachvotnyja achviaravańni hramadzian Biełarusi (pamier kožnaha ź ich nie moža pieravyšać 20 bv) i dobraachvotnyja achviaravańni jurydyčnych asob (nie bolš za 50 bv). Hrošy z fondu možna tracić na infarmacyjnyja i ahitacyjnyja patreby kandydataŭ u prezidenty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?