Kiraŭnik FCH RB Ihar Račkoŭski ŭ razmovie z žurnalistam «Priessboła» zajaviŭ, što fiederacyja prymaje ŭdzieł u stvareńni abjadnanaj Jeŭrapiejskaj lihi.
— Liha čempijonaŭ — nie adziny varyjant dla našych kłubaŭ. Jość ideja arhanizacyi abjadnanaj Jeŭrapiejskaj lihi. Finansava jana, viadoma, budzie bolš ścipłaj za KCHŁ, ale heta budzie biźnies-prajekt z vyraznymi praviłami hulni. Heta nam cikava i my, upeŭnienyja, budziem cikavymi. Znoŭ ža padkreślu: heta nie niejkaja kryŭda za apošnija rašeńni KCHŁ. I liha, i rasijskaja fiederacyja chakieja i Minsportu volnyja rabić toje, što jany ličać patrebnym. A my, u svaju čarhu, niejak na toje reahujem i robim toje, što ličym patrebnym sami.
— Ci chutka adbudziecca realny start Jeŭrapiejskaj lihi?
— Na ŭzroŭni kansultacyj, abmierkavańniaŭ i padlikaŭ praca ŭžo idzie, u tym liku i z našym udziełam. Zrazumieła, patrebny niejki čas. Ale nie dumaju, što praźmierna doŭhi. Heta blizkaja pierśpiektyva: hod-dva.
