U Biełteleradyjokampaniju pastupiła zajaŭka na ŭdzieł u teledebatach ad kandydata ŭ prezidenty Biełarusi Mikałaja Ułachoviča. Takaja infarmacyja prahučała ŭ efiry telekanała «Biełaruś 1», paviedamlaje BIEŁTA.
Raniej u Biełteleradyjokampaniju pastupili zajaŭki na ŭdzieł u teledebatach ad kandydataŭ Siarhieja Hajdukieviča i Taćciany Karatkievič.
U adpaviednaści z pastanovaj Centralnaj kamisii pa vybarach i praviadzieńni respublikanskich refierendumaŭ, teledebaty mohuć adbycca, kali pra žadańnie ŭdzielničać u ich zajavili minimum dva kandydaty.
Jak paviedamlałasia, teledebaty kandydataŭ u prezidenty projduć na telekanale «Biełaruś 1» 3 kastryčnika, pačatak — u 17.00. Dla hetaha advodzicca 60 chvilin efirnaha času.
Kandydat, jaki žadaje ŭdzielničać u teledebatach, nia paźniej za 18 vieraśnia musić padać u Biełteleradyjokampaniju piśmovuju zajavu. Pry hetym moža być upaŭnavažanaja dla ŭdziełu ŭ teledebatach davieranaja asoba.
